Fjöldaskita í garði nýlendusinnaðra Vesturlanda

Gamall maður að norðan sem ég þekkti var orðinn langþreyttur á því að hundur nágrannans skeit iðulega í garðinn hjá honum. Sér í lagi í ljósi þess að nágrannanum var vel kunnugt um iðju hundsins. Eftir ítrekaðar athugasemdir af hálfu gamla mannsins, sem voru viðstöðulaust virtar af vettugi, gerði gamli maðurinn sér ferð í garð nágrannans og gerði þarfir sínar þar.
Nágrannanum var ekki skemmt og þótti þetta fremur ógeðfellt. Það var aftur á móti séð til þess að hundurinn færi ekki aftur í garð gamla mannsins að skíta.

Þjóðir sem hafa lagt það í vana sinn að leyfa hundum sínum að skíta í garð annara þjóða, hafa gott af því að finna skít í sínum eigin garði. Ofbeldi elur af sér ofbeldi, og ofbeldisfull þjóð getur vart búist við öðru en ofbeldi. Fordæmi hefur verið sett.

Legg ég til að við ýtum undir fjöldaskitu í garð nýlendusinnaðra Vesturlanda!

Bush segir þjóðarsorg ríkja í Bandaríkjunum vegna atburðanna í Blacksburg

Athugasemdir

[Árni (IP-tala skráð) 18.4.2007 kl. 00:11]

Æji... dettu niður og deyðu.. Það er það eina sem ég get sagt við fólk eins og þig...

[Guðfinnur Sveinsson, 18.4.2007 kl. 00:52]

Árni, verum málefnalegir.

Fín innlegg inní umræðuna hjá þér Ulrike. 

[Bjarki (IP-tala skráð) 18.4.2007 kl. 00:53]

Hverskonar viðrini er það sem hér skrifar?

[Ólafur Þórðarson, 18.4.2007 kl. 01:10]

Svona fjöldamorð ske í Írak á hverjum degi. Og ákveðnir aðilar eru ábyrgir fyrir því ástandi.

En það réttlætir ekki að gleðjast yfir dauða 30+ háskólanema. Óréttlætiog þjáning saklausra í hvorutveggja og ég skil ekki alveg hvernig er hægt að gleðjast yfir svona morðum. Kannski er ég ekki nógu sækó.

[Björn (IP-tala skráð) 18.4.2007 kl. 02:18]

Þú vilt semsagt að við ýtum undir dauða saklausra borgara á vesturlöndum til að við lærum "the hard way" að valda ekki skaða annars staðar?

 Þetta er nákvæmlega það sem hundaskítslíkingin þín segir.

[María Helga Guðmundsdóttir (IP-tala skráð) 18.4.2007 kl. 06:19]

Þegar þrír tugir ungmenna hafa verið sallaðir niður af samnemanda sínum fyrir þær sakir einar að hafa mætt í kennslutíma snemma á mánudagsmorgun þykir mér heldur en ekki smekklaust að líkja verknaðinum við hundsskit. Vissulega er víða pottur brotinn í bandarísku samfélagi og stjórnsýslu, en það réttlætir það ekki að vanhelga með þessum hætti líf bandarískra borgara og sýna annan eins kulda í garð manneskja þegar voðaverk sem þetta á sér stað.

Hryllingurinn sem fer fram í Írak dagsdaglega er engin afsökun fyrir ónærgætni í garð þeirra einstaklinga sem þarna voru myrtir, særðir, og sviptir ástvinum. Aukinheldur ég myndi þakka þér persónulega fyrir að hvetja ekki til þess sem þú svo smekklega kallar "fjöldaskitu" í garð Bandaríkjanna og fleiri; í fyrsta lagi þar sem meira ofbeldi leysir þennan vanda ekki vitund (eins og mér sýnist þú alveg sjá í tilviki Íraks), og í öðru lagi þar sem ég er sjálf nemandi í bandarískum háskóla og tilhugsunin um byssumann í eðlisfræði klukkan 9 í fyrramálið á eftir að elta mig í martröðum eins og er, án vitneskjunnar um að samlandar mínir óski þess beinlínis yfir mig og okkur.

[ufaikr, 20.4.2007 kl. 16:06]

Ef mér leyfist þá vil ég benda á að hér sé "sniðug" manneskja á ferð. Ulrike Meinhof hefur verið dauð í yfir þrjátíu ár núna, eftir að hún fannst hengd í fangelsisálmunni sem að hafði verið sérbyggð fyrir RAF-meðlimi.

Þannig að já, til Árna: Hún datt ekki niður dauð, hún hengdi sig í staðinn.

Og já, þegar hún hefur skrifað þetta hefur hún ef til vill verið að mótmæla Víetnam-stríðinu, en höfundur hér getur líklegast útskýrt það betur?

Hvar er svo höfundur? Á ekki að útskýra brandaran? Eða á bara að hlæja að fólki sem að hefur ekki lesið nóg í góðum bókum til að skilja húmorinn?